AMHOP is finally home. Makalipas ang higit tatlumpung taon, ang samahan ng mga manggagamot sa munisipyo ng Pilipinas ay nakabalik na sa bayang kanyang pinagmulan. Taong 1990 nang binuhay muli ni Dra. Guia Abad ang AMHOP matapos na ang serbisyo ng kalusugan ay binigay ng gobyerno sa local na pamahalan para tumugon sa magkaiba’t ibang sakit sa lipunan. Nakakapaghinayang na kung kailang wala na ang Nanay ng AMHOP sa katauhan ni Dra. Guia Abad ay saka pa naidaos ang pitongput-isang anibersaryo ng organisasyon. Kung saan man siya ngayon, nawa’y patuloy niya tayong gabayan at ipagdasal ang ating tagumpay para sa kapakanan ng Pilipino. Dahil tayo ang humahawak sa laylayan ng kalusugan.

Mainit na pagpuri sa AMHOP, Laguna Chapter sa kanilang kakayahan at pagsigurado na ang lahat ay nasa maayos para sa ika 71st AMHOP Anniversary and Annual Convention. Kasama ang buong delegasyon ng AMHOP Region 4-A, naisakatuparan sa pamamagitan ng pagtulungan at pakikisama nga bawat isa para maitagumpay ang pagtitipong ito. Taos-puso ring pasalamat sa lahat ng myembro mula Luzon, Visayas at Mindanao na nakisama at dumulog sa ating pagtitipon upang pag-usapan ang sari-saring diskusyon para maipaunlad ang kalusugan para sa lahat.

Ang temang, “Advancing Primary Healthcare Through Collaboration, Integration and Enhanced Access” ay naglalarawan ng dalisay na hangarin ng mga Municipal Health Officers para ang antas ng serbisyo sa bayan para maipatupad ang kalinga at kalidad ng kalusugan. Sana, eto ang maging adhikain ng lahat para mapuksa ang nalalabing salot sa Lipunan at patuloy nating maabot ang inaasam asam na tagumpay – ang “Health for all Filipinos”.

     Halina, sama-sama tayo. Huwag hayaang matalo tayo ng karaniwang balakid. Lahat eto’y kaya nating pigilan, Lahat eto’y may kalutasan. Kasama ng Poong Maykapal, Kaya Natin!

     Mabuhay ang AMHOP!